211
Grouping Capacity
7.
Kisi bhi firer duwara fire ki gayi panch golion ke circle ke diare (diameter) ko us firer ki
Grouping Capacity kahate hain. Coaching ya scoring ke hisab se firers ko unki Grouping Capacity
ke mutabik classify kiya jata hai, jaise 2 inch, 4 inch etc. Yeh grouping, 100 m ya 25 m pe napi jati
hai.
8.
Yeh jan lena chahiye ki, ek firer ki Grouping Capacity ka anuman tabhi sahi lage ga jab,
usne har goli sahi sisht le ke fire ki ho. Agar kisi firer se, galti se, bagair durust sisht ke, koi goli fire
ho jati hai to, us goli ko Grouping Capacity ke liye nzarandaz kar dena chahiye.
9. Grouping ki ahmiyat, hatiyar ki zeroing ke liye bahut hi zaruri hai. Agar koi firer, ek hi point
of aim (POA) ko lekar, panch goli fire karta hai, aur uska MPI, point of aim se hat kar hai, to is ka
matlab us weapon ko zero karna zaruri hai. Zeroing ke liye, foresight ya back sight, men kuch
tabdili ki jati hai taki, MPI aur POA ke bich ka fasla bilkul kam ho.
10. Ek bar ksi firer ki grouping hojati hai to, uske baad, us firer ki zemewari hai ki who, samay
samay par apni grouping ko barkar rakhe aur, ho sake to us men aur bhi improvement laye.
BHAG II : MINIATURE RANGESNAP SHOOTING
11. Grouping aur Zeroing ke baad Snap Shooting fire karna chahiye. Snap shooting men target
bahut hi thode samay ke liye nazar ata hai. Is ke liye yeh janna zaruri hai ki fire karne ke liye
samay kafi hai agar, firer ko apne upar pura bharosa hai.
12. Snap shooting ke liye sikhlai is prakar se hoti hai :-
(a)
Stage-1 Automatic Alignment
. Is men squad, semi circle men lying position men
hota hai aur, instructor centre men hota hai aur, aiming mark instructor ki ankh hoti hai.
Aiming alignment ko aiming disc ki madad se check karne ke liye, individually, instructor
“up” ka word of command deta hai to us pe firer instructorki ankh pe nishana lagaten hain.
(b)
Stage - 2 Automatic Alignment with Correct Hold and Trigger Operation
. Is
stage men “up” ke command pe firer, rifle ko upar lata hai, sahi sisht leta hai, mazboot
pakarta hai aur fire karta hai. Fir weapon ko dobara load karta hai aur dobara practice karta
hai. Is men accuracy pr jada jor hai na ki speed pe.
(c)
Stage 3,4 & 5
. Is stage men snap shooting practice firing, targets pe alag alag
ranges pe ki jati hai. Is ke liye per goli 7 sec ka samayhota hai.
13. Short range pe representative miniature targets ka istemal hota hai aur, samay ko me 7 se
4 seconds kar diya jata hai. Ek din men do se jada practice nahi karni chahiye.
14.
Continuous Snap Shooting.
Is men jaise jaise target dikhta hai, wise hi us pe fire kiya
jata hai. Buniyadi usul yeh hai ki “ Ek Goli Ek Dushmsn/Target” aur “ Shoot to Kill”.
15.
Dhiyan Men Rakhne Wali Baten.
(a) ‘Accuracy’ speed se jada zaruri hai.
(b) POA ko bataya nahi jata.
(c) Butt hamesha kandhe pe hota hai, re-aiming ka samay bachane ke liye.
(d) Durust bolt ki karwahi taki reloading me samay barbad na ho.
SANKSHEP
16. Ek ache firer ke liye durust grouping aur zeroing karna bahut hi zaruri hai. Is se target pe
durust firing ki ja sakti hai. Snap shooting ke liye durust zeroing ke alawa, durust sisht aur trigger
operation ki zarurat hai. Hamesha ‘ek goli ek dushman’ ka buniyadi usul yaad rakhe